Feature News

Kawontenan Gerdacilin Wonten ing Dusun Ngamboh

Dusun Ngamboh Margorejo Tempel inggih menika satunggaling dusun ingkang kalebet Dusun Lestari. Dusun Ngamboh inggih menika Dusun ingkang miwiti wontenipun Dusun lestari. November 2006 Dusun Ngamboh dipunresmikaken dados Dusun Lestari dening panjenenganipun Sri Sultan Hamengkubuana kaping 10. Dusun Ngamboh inggih menika satunggaling dusun ingkang miturut letak geografisipun inggih menika ler dusun inggih menika Dusun Ndangsaren Kecamatan Turi, kidul dusun inggih menika dusun Tepus ingkang sejatosipun taksih setunggal dusun kaliyan dusun Ngamboh, lajeng wonten sisih kilenipun inggih menika dusun Kadirojo Kecamatan Tempel, lan sisih wetanipun inggih menika dusun Jurugan ingkang sampun mlebet Kecamatan Turi. Wonten ing dusun menika ugi kathah-kathahipun para warga gadhah wit salak. Kathah ingkang sami tumbas salak ing Dusun menika.

Wonten ing dusun Ngamboh wonten satunggaling kegiatan ingkang namanipun Gerdacilin, Gerdacilin inggih menika singkatan saking Gerakan Pemuda Cinta Lingkungan. Gerdacilin menika dipunbentuk amargi minangka bentuk kepedulian saking pemuda Dusun Ngamboh amargi wontenipun Desa Lestari. Gerdacilin dipunbentuk saking tanggal 1 Januari 20110. Ingkang mandegani wontenipun Gerdacilin inggih menika Lendy Widyanugraha lulusan Universitas Gajah Mada ingkang peduli kaliyan wontenipun Desa Lestari Ngamboh.

Mila bukanipun Gerdacilin inggih menika dipunwiwiti kanthi konflik intern pengurus Desa Lestari Ngamboh ingkang mboten wonten perkembanganipun babagan Desa Lestari menika. Lajeng kalasemanten mas Lendy kaliyan para pengurus inggih menika Bapak Yulian Sunarto lan Bapak Ahmad Jalaludin ngawontenaken sarasehan ingkang kasilipun inggih menika Gerdacilin. Mulanipun Gerdacilin menika kegiatanipun ngawontenaken bisnis kangge pondasi supados saged mlampah kanthi sae. Bisnis pondasi menika inggih menika nyade bibit tanaman buah, pengelolaan sampah RT lan penggemukan ayam Jawa pedaging. Lajeng tahun 2011 Gerdacilin angsal dana 4yuta saking proposal ingkang dipunajukaken dening pemerintah, lajeng dana menika kagem bisnis ayam petelur ingkang ngasilaken asset penghasilan 40 yutanan. Saksanesipun bisnis-bisnis saking peternakan lan pertanian Gerdacilin ugi ngawontenaken bisnis wonten ing bidang ekowisata lan ing pertengahan tahun 2010 Gerdacilin kongsi kaliyan Kanopi Indonesia. Ekowisata wonten ing Dusun Ngamboh menika lakung nonjolaken wonten ing bidang education. Tuladhanipun inggih menika saged sinau wonten kelompok peternakan ingkang wonten ing ler dusun,sinau babagan salak ingkang taksih dipunkembangaken kaliyan warga Dusun Ngamboh kiyambak, ayam petelur ingkang sampun ngrembaka, lan tanaman-tanaman holtikultura. Bisnis ekowisata menika sampun mlampah tigang tahun saking tahun 2010, sampun wonten ugi ingkang tertarik kaliyan ekowisata ingkang dipunwontenaken kaliyan Gerdacilin.

Bulan Juni kala wingi Gerdacilin nampi tamu saking TPA Piyungan ingkang cacahipun 60 tiyang kaliyan gurunipun. Lajeng tanggal 23, 24, 30, 1,3 September nampi tamu saking TK Bambini Ngayogyakarta. Wonten ing mriki lare-lare TK saking Bambini menika dipunjak wonten ing kebunipun Bapak Heru ingkang wonten maneka warni wit-witan buah, saking jambu, pelem, klengkeng, sawo, salak lan sakpanunggalanipun. Sak sanesipun ugi wonten jenis-jenis peksi ingkang warni-warni lan endah dipuntingali. Wonten ing kebun menika lare-lare ugi saged ngraosaken buah-buah ingkang witipun wonten ing mriku. Saklajengipun wonten ing kebunipun Pak Heru lare-lare dipunjak wonten ing ler dusun, lan wonten ing margi tumuju ler dusun lare-lare ugi wonten tanaman-tanaman buah ingkang saged dipunjelasaken. Saksampunipun wonten ing ler dusun para tamu saged nyukani maem dhateng lembu kaliyan mendho ingkang wonten ing peternakan ler dusun, saklajengipun lare-lare saged metik tomat ceri ingkang wonten ing sak leripun. Saklajengipun lare-lare TK menika ngaso wonten ing ngandap wit sengon lajeng sami nedha sangunipun piyambak-piyambak.

   

Lare-lare TK Bambini ingkang saweg methik tomat cheri

Ingkang wonten ing nglebet Gerdacilin utawi ingkang ngurus Gerdacilin kejawi Mas Lendy, Karang Taruna Ngamboh ugi dipunlibataken. Kadosta wonten ing kandang ayam ingkang ngasilaken ayam para pemuda biasanipun nderek mendeti tigan. Wonten ing kegiatan Gerdacilin nampi tamu saking njawi ugi pemuda nderek jelasaken lan mandu para wisatawan. Ananging Mas Lendy mboten mendhet sedaya pemuda ingkang dipunpendet kaiyan Mas Lendy ananging namung tiyang-tiyang ingkang sevisi kaliyan tujuan Gerdacilin menika kiyambak. Gerdacilin wonten amargi satunggaling bentuk kepeduliyan pemuda kaliyan lingkungan wonten ing Dusun Ngamboh. Tujuanipun dipunadani Gaedacilin kangge nyejah teraaken warga ingkang wonten ing Dusun Ngamboh sami kaliyan tujuan Desa Lestari ingkang dipungambaraken wonten ing tigang pilar ingkang menjiwai mlampahipun pedesaan kangge mujudaken Desa Lestari. Pilar ingkang kaping pisan inggih menika ngibadah, mlampahaken ajaran agama kanthi sae, bina kerukukan antar agama lan mbangun kebersamaan. Tujuanipun pilar ingkang kaping pusan inggih menika supados saged ngamalaken ajaran agama wonten ing gesang padintenan harmonisasi sesami manungsa lan menghargai setunggal lan sanesipun lan cinta lingkungan. Pilar ingkang kaping kalih inggih menika gotong royong, berswadaya, lan sami biyantu setunggal lan sanesipun. Tujuan pilar kaping kalih inggih menika supados saged gadhah lingkungan ingkang resik, gadhah lepen ingkang resik ugi, gadhang wit-witan ingkang ijo royo-royo kangge nyegah erosi, nahan banyu lan naman katentreman dusun. Lajeng pilar kaping tiga inggih menika kemandirian. Tujuan pilar kaping tiga inggih menika mberdayakaken potensi ekonomi desa, peningkatan kualitas SDM mawi pelatihan, penyuhan lan sakpanunggalanipun. Tigang pilar kasebat dipunkajengaken saged ndadosaken para warga ingkang bertagwa, gesang kanthi sehat lan resik, lingkungan resik lan lestari lan gadhah penghasilan lan gesang ingkang cekap. Dipunkajengaken ugi mawi wontenipun desa lestari lan Gerdacilin menika warga saged sejahtera lahir batin. Miturut Mas Lendy minangka pembentuk Gerdacilin piyambakipun gadhah kekarepan  Gerdacilin menika supados saged nyukani manfaat lan nyukani ruang lingkup usaha kagem para warga lan nyukani manfaat minangka ketenaga kerjaan.